FƏALİYYƏTİMİZ

01

Təlim və inkişaf

Tələbələrin liderlik və komanda işi bacarıqlarının formalaşdırılması, ictimai fəallıqlarının artırılması təşkilatın prioritetlərindəndir. Bu məqsədlə motivasiya görüşləri, seminarlar və interaktiv təlimlər keçirilir. Könüllülərin diplomatik düşüncə, qlobal siyasət və beynəlxalq münasibətlər sahəsində biliklərini artırmaq üçün model simulyasiya konfransları təşkil olunur.

Ətraflı →
02

Sosial layihələr və inteqrasiya

Könüllülük təkcə Universitet çərçivəsi ilə məhdudlaşmır. "Məzunun izində" layihəsi vasitəsilə tələbələrlə məzunlar arasında bilik və təcrübə mübadiləsi həyata keçirilir. "SDG tələbə səfirləri" proqramı isə gənclərin BMT-nin Dayanıqlı İnkişaf Məqsədlərinə dair məlumatlılığını artırır və sosial məsuliyyətlərini gücləndirir.

Ətraflı →
03

Ekoloji təşəbbüslər

Təşkilat tələbələrdə ekoloji şüurun formalaşdırılmasına xüsusi diqqət yetirir. Bu məqsədlə ağacəkmə və güləkmə aksiyaları, "Ekoloji bilik günü", "İqlim həftəsi" və COP29 simulyasiyaları təşkil olunur. "Köhnə batareyaya yeni həyat ver" layihəsi çərçivəsində istifadə olunmuş batareyaların təhlükəsiz şəkildə toplanması və təhvil verilməsi həyata keçirilir.

Ətraflı →
04

İnformal öyrənmə

Tələbələrin əylənərək öyrənməsi və sosial bacarıqlarının inkişafı üçün maarifləndirici ekskursiyalar, gənclər düşərgələri və müxtəlif interaktiv görüşlər təşkil edilir. Bu fəaliyyətlər könüllülərin həm biliklərini artırır, həm də sosial əlaqələrini möhkəmləndirir.

Ətraflı →
05

Asudə vaxtın təşkili

Tələbələrin yaradıcılıq və intellektual bacarıqlarının inkişafına dəstək olmaq üçün təşkilatın nəzdində müxtəlif klublar fəaliyyət göstərir. Onlardan ən fəalı "KönüllüBand" musiqi klubudur. Klubun təşkil etdiyi konsert proqramları tələbələrin musiqi sahəsindəki bacarıqlarını üzə çıxarmaqla yanaşı, səhnə mədəniyyətini və komanda yaradıcılığını inkişaf etdirir. "Qardaşlıq" konserti, inklüziv fərdlərə həsr olunmuş "Fərqli fərdlər" layihəsi və müxtəlif əlamətdar günlərə həsr olunan musiqi çıxışları bu fəaliyyətlərin ən yaddaqalan nümunələrindəndir.

Ətraflı →